متابعينا الأعزاء : بخصوص المدونه و حساب الأخبار

السلام عليكم ورحمة الله وبركاته

اليوم حابه أتكلم عن موضوع منرفزني مرة وزاد عن حده
” سرقة الأخبار من حسابنا وعدم نسب الحقوق لنا + وضع ترجمتنا في مواقع التواصل الإجتماعي على الرغم من تحذرينا “
أيش السبب اللي يخليكم تأخذون ترجمة غيركم ؟ ليه تتجاهلون تحذيرات مدونات الترجمه لكم ؟
! يعني عشان كلنا ندوّن عن فرقة وحده عادي ؟ لا مو عادي ! ماعندك مصادر اجنبيه ؟
ابحثي وابحثي وابحثي ياكثر اللي يترجمون لبيست في كل مكان ترجمي منهم
يعني إلى متى واحنا نتعب ونلاحق ورا الأجانب ونترجم ونحط الخبر بأبسط صيغه واوضحها ثم تجي وحده تاخذه بارد مبرده
لو بتجربون تتعبون زي هالتعب ماراح تفكرون تاخذون تعب غيركم
لو أجلس اقول الله لا يحللكم ولا يبيحكم مو فايد معكم قلوبكم ميته ما عاد تحس بعظمة هالدعاء
استمراركم في أخذ الاخبار ينرفزنا نتنرفز أكثر نكره نترجم بسببكم

نبهنا كم مره لا تفتحون أي حساب أخبار في الانستقرام وغيرها تحت أسمنا 
لو قفلت المدونه الوضع بيكون عندكم طبيعي وراح تدورون غيرنا تسرقون منه الاخبار 🙂

إذا استمر الوضع راح نوقف عن الترجمه نهائياً و أتمنى تكونوا متفهمين لقرارنا

شكراً لكم 

Advertisements

16 فكرة على ”متابعينا الأعزاء : بخصوص المدونه و حساب الأخبار

  1. Maram

    هالعينات من الناس موجودين بكل مكان ومهما قلتو ومهما دعيتو ماراح يفهمون.
    جد الله يعينكم ويعين فرق الترجمة.
    كلن يشتكي من هالشيء.
    والاغلب يفكر يوقف بسبتهم ماقول الا حسبي الله ونعم الوكيل.

  2. انا معجبه ببست واكيد بكون حزينه جدا اذا راحت المدونه 😦 لكن معكم حق في الي تسونه اعادت التغريده والتعليق عليها موب ضارهم .. وابلكو الحسابات الي تسرق في التويتر ..

  3. wemz

    ناس كثيرين زي كذا ومايحسون بشيء ومايفرق الدعاء معهم 😧💔💔
    أتمنى ماتغلق المدونة بسببهم 😭😭😭
    الله يعينكم …

  4. Mish

    والله معاكم حق ناس تنرفز تسرق تعب غيرها بارده مبرده مدري لمتى بيجلسون على ذا الوضع قبل فتره سارت مع مدونت الدبسك صراحه انتم تتعبون وهما يسرقون حسبي الله عليهم بس واحنا مقدرين تعبك ويعطيك الف عافيه 👍🏻❤️

  5. misa

    الصراحة اشخاص مثلهم ما عدهم احترام لجهود الثانين وتعبهم
    رغم انو احنا ما نقدر نطلب منكم شي بس بتمنى انو ما تسكرو الحساب لانو مدونكم وحسابكم صار جزء من روتين حياتنا و اتمنى يضل حسابكم وقت طويل طويل وتحسون بالفخر بشغلكم مثل ما احنا نفخر بتعبكم ^_^ اشكركم جد ع جهدكم مع قلتكم بس انتو مو مقصرين ابدا
    يعطيكم الف عافية ~.~
    اتمنى اصحاب الحسابات الناقلة تتسكر
    مشكورة

  6. امانةً ماقصرتوا ولا تأخرتوا ب اعمالكم وخصوصاً بالاخبار
    مجهوٌدكم العظيم محد ينكره ابد !
    وفوق هالتعب ينسرق مجهودكم بدون ادنى احترام
    من حقكم توقفون والله على هالحالة !
    وافضل لو تنشرون تلك الحسابات ويتقق الكل يسكرها !
    منها نرد معروف تعبكم لنا ، ومنها نردع اي شخص يحاول السرقة .

  7. Maha

    الله يعينكم والله مو انتو الحساب الوحيد الي يشتكي من هالشيء
    وعن نفسي فماعندي حساب ترجمه لبيست غيركم
    جهودكم مشكوره دائما وان شاء الله تلاقون حل مع الحسابات الاخرى
    شكرا لكم ع التنبيه والتوضيح

  8. حسبي الله عليهم مريضين !!!!
    جعل أجهزتهم للخراب اللي مايتصلح
    والله مالومكم تسوون أي شي صدق يقهرون !
    إذا فتحو حساب بتويتر أو انستقرام حطوه هنا وحنا نروح نسوي إبلاغ على حساباتهم

    والله يعينكم عليهم .-.

  9. هيُّون

    فعلًا شي مستفز جدًا ! الترجمة والإلتزام بعمل مو شي سهل وعن نفسي أنا لما من عرفت فريقكم أستغنيت عن كل المصادر الأجنبية فضلًا عن العربية ، وأصلًا للأمانة ما شفت أحد أنتم الأشهر .
    المهم الحل معاهم هو التشهير ، قوة هالفري مو سهلة بين البيوتي العرب خاصة والكيبوبرز العرب عامة ، لما أحد يسرق بكل بساطة تنزلون أكاونته وحنا نشتغل عليه سبام لأن جهد غيرك له ، ما جا يضيع تعبه عشان ينكتب بأسمك بأي حق تنسبه لك ؟ وبس شكرًا ❤

  10. Manomen

    أنا تماماً أتفق مع التعليق الأخير, والله يعطيكم العافية أنتو مو مقصرين والكل يعرف
    إن محد يغطي أخبار بيست مثلكم, يا ليت تنحل هالمشكلة وترتاحون ❤

  11. meemjun

    صح في ناس واجد كذا ماعندهم ضمير ولا ذمة
    ويعطيكم العافية على تعبكم الصراحة
    مشكورين وان شاء الله تنحل هالازمة .

  12. MM

    احنا نتابع من مدونتكم واللي جذي طنشوهم والافضل بعد البنات لحد يتابعهم اخرتهم بيملون ويقفلون حسابهم اما ترجمتكم مانستغني عنها اتمنى ماتقفلون المدونه وبتنحل ان شاء الله موفقين والله يسعدكم مثل ماتسعدونا

  13. #احمديز ♚

    معلييييييييييييييش أنا مثلكم يعني من حقكم أنا اترجم و كذا فاعرف تعب الترجمه لا اخبار ولا مقالات و مقابلات فمراعيكم الله ياخذ هالعينات بس حتى الفرق الصاعده لها مصادر يعني وش تحسون فيه “للي يسرقون” سوو برايفيت لحساب التويتر لفترة شهر او شهرين و ارجعوا شيلوه و كذا تضمنون انهم بيتوقفون و الله حاسس بذا الشعور إلي يجي يسرق تعبكم بارده مبرده, الله يعينكم, و إذا استمروا بذا الوضع شهروا بهم و بس ~

  14. الله يعيينكم على هالأشكال انا ما اترجم ولا شي وانقهر كيف انتوا اللي تتعبون
    للأسف هالأشكال مثل ماقلتي قلوبهم ميته ما يهمهم اذا دعيتي ولا لا ولا لو فكروا عظم هذا الدعاء وحسوا فيه ما كان فكروا يسوون اللي يسوونه اللحين اشوف سرقة الاخبار والترجمه وترجمة البرامج والمسلسلات كثرررت بشكل مو طبيعي والمشكله مايفيد اذا شهرتي فيهم او لا صاروا معروفين بكل مكان وباقي مستمرين ما اقول الا الله يهديهم وانتوا قولوا حسبي الله ونعم الوكيل تكفي

  15. bbss2299

    يا قلبي والله مشكورين وما تقصرون والله ندري انكم تعبانين مره بس مدري كيف نرد لكم مجهودهم انتم روعهه وترجمتكم مره تجنن الله يهديهم الي يسرقون اتعاب الاخرين وجهدهم بس الله ينصركم عليهم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s